படத்தில் காணப்படுவது 11.75 அடி நீளமுடைய வல்வை நாயகி எனப் பெயரிடப்பட்டுள்ள சிறிய பாய்மரக்கப்பல் ஆகும் . யாழ் தீபகற்பத்தின் வடமராட்சியின் கிழக்கு கடற்கரைப் பிரதேசத்தில் அமைந்துள்ள நாகர் கோவில் ஆலயத்தில் வைக்கப்பட்டுள்ள இக்கப்பல், நாகர் கோவில் வருடாந்த மகோற்சவத்தின் 7 ஆம் திருவிழாவான கப்பல் திருவிழாவின் பொழுது பயன்படுத்தப்படுவதாகும்.

கடந்த வருடம் (2012) வடிவமைக்கப்பட்டுள்ள இப்புதிய கப்பலான வல்வை நாயகி, 1957 ஆம் ஆண்டு வல்வெட்டித்துறையைச் சேர்ந்த திரு.ஆறுமுகம் மேஸ்திரி அவர்களால் வடிவமைக்கப்படிருந்து தற்பொழுது பழுதடைந்துள்ள முன்னைய வல்வை நாயகிக்கு மாற்றீடாகும்.