இந்த இறுதிப்போட்டியில் வல்வை உதயசூரியன் விளையாட்டுக் கழகத்தை எதிர்த்து வல்வை சைனீஸ் விளையாட்டுக் கழகம் மோதியது. நாணய சுழற்சியில் வெற்றி பெற்ற வல்வை உதயசூரியன் விளையாட்டுக் கழகம் முதலில் களத்தடுப்பை தெரிவு செய்தது. அதன் படி முதலில் துடுப்பெடுத்தாடிய சைனிங்ஸ் விளையாட்டுக் கழகம் 12 ஓவர் முடிவில் 87 ஓட்டங்களை எடுத்தது. 88 ஓட்டங்களை எடுத்தால் வெற்றி எனும் இலக்குடன் களம் புகுந்த உதயசூரியன் விளையாட்டுக் கழகம் அனைத்து விக்கெட்டுக்களையும் இழந்து 72 ஓட்டங்களை எடுத்தது. இதனால் சைனிங்ஸ் விளையாட்டுக் கழகம் 16 ஓட்டங்களினால் வெற்றியீட்டி வெற்றி கிண்ணத்தையும் சுவீகரித்துக்கொண்டது.
தொடரின் தொடர் நாயகன் விருது உதயசூரியன் விளையாட்டுக் கழகத்தை சேர்ந்த ரஞ்சித் அவர்களுக்கு வழங்கப்பட்டது(அதிக ஓட்டங்களை 204 எடுத்தார் ). தொடரில் சிறந்த பந்துவிச்சாளராக உதயசூரியன் விளையாட்டுக் கழகத்தை சேர்ந்த சிவஞானம் அவர்கள் தெரிவு செய்யப்பட்டார். தொடரின் வளர்ந்துவரும் இளம் வீரருக்கான விருது சைனீஸ் விளையாட்டுக் கழகத்தை சேர்ந்த அபிநயன் அவர்களுக்கும், இறுதிப்போட்டியின் ஆட்ட நாயகன் விருது சைனிங்ஸ் விளையாட்டுக் கழகத்தை சேர்ந்த பார்த்திபன் அவர்களுக்கும் வழங்கப்பட்டது.
