பொன்.காந்தனை சட்டவைத்திய அதிகாரி முன் முன்னிலைப்படுத்த உத்தரவு!

பயங்­க­ர­வாத புலனாய்வுப்பிரிவு பொலி­ஸா­ரினால் கடு­மை­யாக சித்­தி­ர­வதைக்குட்படுத்தப்பட்­டுள்ள பாராளு­மன்ற உறுப்­பி­ன­ரான சிவ­ஞா­னம்­ சி­றி­த­ரனின் செய­லாள­ரான பொன்­னம்­பலம் லட்­சு­மி­காந்­தனை (பொன்.காந்தன்) சட்ட வைத்­திய அதி­காரி முன் முன்­னி­லைப்­ப­டுத்தி சட்ட மருத்­துவ அறிக்­கையை நீதி­மன்றில் தாக்கல் செய்­யும்­படி கொழும்பு நீதிவான் நீதிமன்ற நீதி­பதி அஜித் பிரி­யந்த, சிறைச்­சாலை அதி­கா­ரி­க­ளுக்கு உத்­த­ர­விட்டுள்ளார்.தமிழ் தேசிய கூட்­ட­மைப்பின் கிளி­நொச்சி மாவட்ட அமைப்­பா­ள­ரான அரு­ணா­சலம் வேழமா­லிகிதன் மற்றும் பாராளு­மன்ற உறுப்­பி­ன­ரான சிவ­ஞா­னம்­ சி­றி­த­ரனின் செய­லாள­­ரான பொன்­னம்­பலம் லட்­சு­மி­காந்தன் ஆகி­யோர் சார்பில் நீதிமன்றில் ஆஜ­ரா­கிய சிரேஷ்ட சட்­டத்­த­ரணி கே.வி.தவ­ராசா தனது வாதத்தை முன்வைக்கையில்;

2013 ஆம் ஆண்டு தை மாதம் 12 ஆம் திகதி தமிழ் தேசிய கூட்­ட­மைப்பின் கிளி­நொச்சிக் காரி­யா­லயம் பயங்­க­ர­வாத புலனாய்வுப் பிரிவுப் பொலி­ஸா­ரினால் சோத­னை­யி­டப்­பட்ட வேளையில் பயங்­க­ர­வாத புலனாய்வு பிரிவுப் பொலிசார் வெடி­ம­ருந்­து உள்ளதெனக் கூறி பாராளு­மன்ற உறுப்­பினர் சிவஞானம் சிறி­த­ர­னது நற்­பெ­ய­ருக்கு களங்கம் விளை­விக்கும் நோக்­கத்தில் சட்­ட­ரீ­தி­யற்ற முறையில் மாவட்ட அமைப்­பா­ள­ரான அரு­ணா­சலம் வேல­மா­லி­தனை கைதுசெய்­தனர்

பயங்­க­ர­வாத புலனாய்வு பிரிவுப் பொலி­ஸா­ரினால் காரி­யா­லயம் சோத­னை­யி­டப்­பட்ட வேளையில் பாரா­ளு­மன்ற உறுப்­பி­ன­ரான சிவ­ஞா­னம்­ சி­றி­த­ரனின் செய­லா­ளரான பொன்­னம்­பலம் லட்­சு­மி­காந்தன் காரி­யா­ல­யத்­தி­லேயே கட­மையில் இருந்தார்.

காரி­யா­ல­யத்தை சோத­னை­யிட்ட வே ளையில் காரி­யா­ல­யத்தில் கைப்­பற்­றப்­பட்­ட­தாக பொலி­ஸா­ரினால் கூறப்­படும் கைய­ளவு வெடி­ம­ருந்து, ஆணு­றைகள், ஆபாசக் குறுந்­த­க­டு­களை பொன்­னம்­பலம் லட்­சு­மி­காந்­த­னது கையில் கொடுத்து புகைப்­ப­டங்கள் எடுத்த பொலிஸார் இந்த வழக்கின் 5ஆம் சந்­தேக நப­ரான லட்­சு­மி­காந்­தனை கைது செய்­ய­வில்லை.

2013 ஆண்டு தை மாதம் 16ஆம் திகதி பொன்­னம்­பலம் லட்­சு­மி­காந்தன் பயங்­க­ர­வாத புலனாய்வுப் ­பி­ரிவுப் பொலி­ஸா­ரினால் தனது உயி­ருக்கு ஆபத்து என பயங்­க­ர­வாத புலனாய்வுப் பி­ரிவுப் பொலிஸா­ருக்கு எதி­ராக மனித உரிமை ஆணைக்­கு­ழு­விற்கு முறைப்­பாடு செய்­த­மையால் ஆத்­திரம் அடைந்த பொலிஸார் பொன்­னம்­பலம் லட்­சு­மி­காந்­தனை கைது செய்து தடுத்து வைத்து சித்­தி­ர­வதை செய்­துள்­ளனர் பயங்­க­ர­வாத புலனாய்வுப் பி­ரிவுப் பொலிஸார் தன்னை கடு­மை­யாக தாக்கி சித்­தி­ர­வதை செய்­த­தா­கவும் அதனால் தனது உடலில் பல­கா­யங்கள் உள்­ள­தா­கவும் பொன்­னம்­பலம் லட்­சு­மி­காந்தன் எனக்கு அறிவித்துள்ளார்.

இதனால், இந்த வழக்கின் 5 ஆம் சந்­தேக நப­ரான லட்­சு­மி­காந்­தனை சட்ட வைத்­திய அதி­காரி முன் முன்­னி­லைப்­ப­டுத்தி சட்ட மருத்­துவ அறிக்­கையை நீதி­மன்றில் சமர்ப்பிக்குமாறு சிறைச்­சாலை அதி­கா­ரி­க­ளுக்கு உத்­த­ர­வி­ட வேண்டும் என்று கோரினார்.

இதனையடுத்து, 5 ஆம் சந்தேக நபரான லட்சுமிகாந்தனை சட்ட வைத்திய அதிகாரி முன் முன்னிலைப்படுத்தி சட்ட மருத்துவ அறிக்கையை நீதிமன்றில் தாக்கல் செய்யும்படி கொழும்பு நீதிவான் நீதிமன்ற நீதிபதி அஜித் பிரியந்த, சிறைச்சாலை அதிகாரிகளுக்கு உத்தரவிட்டு மேலதிக விசாரணைகளை நவம்பர் மாதம் 12ஆம் திகதிக்கு ஒத்திவைத்தார்